"ПСЖ" клуби собиқ ҳужумчиси Неймарнинг айтган гапларига муносабат билдирди. Бразилиялик футболчи яқинда берган интервьюсида аргентиналик Лионель Месси билан бирга француз клубида жаҳаннамни бошидан кечирганини айтди.
“Биз бунга изоҳ бермаймиз. Энг қизиғи, бу иккала футболчи ҳам клубда қолишни хоҳлашганди", - дея "ПСЖ" расмийси сўзларидан иқтибос келтирди PSG Report.
Ҳар икки футболчи ҳам ёзги трансфер ойнасида Париж жамоасини тарк этишди. Неймар Саудиянинг “Ал-Ҳилол” клубига ўтди, Месси эса Американинг “Интер Майами” клуби билан меҳнат шартномасини имзолади.
Лига 1нинг тўрт туридан сўнг “ПСЖ” турнир жадвалида иккинчи ўринда бормоқда.
