Saudiyaning «Al-Ittihod» klubi hamon hujumchi Muhammad Salohni yozgi transfer oynasida o‘z safiga qo‘shib olishga umid qilmoqda.
Daily Mail xabariga ko‘ra, shanba kuni Saudiya Arabistoni chempioni vakillari Londonga yetib kelishgan. Ular «Liverpul» rahbarlarini yaqin kunlarda 31 yoshli Salohni sotishga ishontirishga umid qilishmoqda.
Qayd etilishicha, transfer summasi 200 million funtga yetishi mumkin, keyin esa futbol olamida yangi transfer rekordi o‘rnatiladi.
Avvalroq «Liverpul» Muhammad Saloh sotilmasligini aytgandi. Saudiya Arabistonida transfer oynasi hamon ochiq.
