Саудиянинг «Ал-Иттиҳод» клуби ҳамон ҳужумчи Муҳаммад Салоҳни ёзги трансфер ойнасида ўз сафига қўшиб олишга умид қилмоқда.
Daily Mail хабарига кўра, шанба куни Саудия Арабистони чемпиони вакиллари Лондонга етиб келишган. Улар «Ливерпуль» раҳбарларини яқин кунларда 31 ёшли Салоҳни сотишга ишонтиришга умид қилишмоқда.
Қайд этилишича, трансфер суммаси 200 миллион фунтга етиши мумкин, кейин эса футбол оламида янги трансфер рекорди ўрнатилади.
Аввалроқ «Ливерпуль» Муҳаммад Салоҳ сотилмаслигини айтганди. Саудия Арабистонида трансфер ойнаси ҳамон очиқ.
