Temur Kapadze ertangi bahs oldidan fikr bildirdi.
«Bu qisqa muddat ichida yaxshi tayyorgarlik ko‘rdik deb o‘ylayman. Kerakli natija bilan maqsad sari birinchi qadamni tashlaymiz. Bu yerda oson o‘yin bo‘lmaydi. Afg‘oniston haqida qo‘ldan kelgancha ma’lumot to‘plamoqchi edik. Biroq ular haqida yetarli xabarlar topa olmadik.
Ruhiy tomonlama muammo yo‘q. Har bir o‘yin muhimligidan kelib chiqib e’tiborni susaytirmaymiz. Hozircha afg‘on futboli jadal rivojlanmoqda.
Ular Markaziy Osiyo turnirlarida katta tajriba to‘plashdi. Shunga qaramay har birimizni ertangi o‘yinda tayyormiz deb ayta olaman. To‘g‘ri, seleksiya oson bo‘lmadi. Tayyor futbolchilar ko‘p. Turnir davomida ularning ko‘pchiligi formaga kirib oladi. Seleksiya muammo tug‘dirmasligi kerak Xudo xohlasa. Barcha ishqibozlarni bizni qo‘llab-quvvatlashga chorlab qolaman», - dedi Kapadze.
