Темур Кападзе эртанги баҳс олдидан фикр билдирди.
«Бу қисқа муддат ичида яхши тайёргарлик кўрдик деб ўйлайман. Керакли натижа билан мақсад сари биринчи қадамни ташлаймиз. Бу ерда осон ўйин бўлмайди. Афғонистон ҳақида қўлдан келганча маълумот тўпламоқчи эдик. Бироқ улар ҳақида етарли хабарлар топа олмадик.
Руҳий томонлама муаммо йўқ. Ҳар бир ўйин муҳимлигидан келиб чиқиб эътиборни сусайтирмаймиз. Ҳозирча афғон футболи жадал ривожланмоқда.
Улар Марказий Осиё турнирларида катта тажриба тўплашди. Шунга қарамай ҳар биримизни эртанги ўйинда тайёрмиз деб айта оламан. Тўғри, селекция осон бўлмади. Тайёр футболчилар кўп. Турнир давомида уларнинг кўпчилиги формага кириб олади. Селекция муаммо туғдирмаслиги керак Худо хоҳласа. Барча ишқибозларни бизни қўллаб-қувватлашга чорлаб қоламан», - деди Кападзе.
