Kataloniyaning "Barselona" klubi xalqaro tanaffusdan so‘ng ikki nafar yosh futbolchisi bilan shartnomani uzaytirishini e’lon qilmoqchi. Jurnalist Anais Erreroning so‘zlariga ko‘ra, "ko‘k-anorranglilar" himoyachi Alexandro Balde va vinger Lamin Yamal bilan shartnomani uzaytiradi.

Eslatib o‘tamiz, bu mavsumda Yamal muntazam ravishda "Barselona" tarkibida maydonga tushmoqda. Bosh murabbiy Xavi Ernandes yosh vingerning o‘yinidan katta taassurot olmoqda.

Balde esa o‘tgan mavsumdan beri "ko‘k-anorarnglilar"ning asosiy chap qanot himoyachisi hisoblanadi. Yosh o‘yinchilar uchun yangi shartnomada "Barselona" katta ehtimol bilan bir milliard yevro miqdorida tovon pulini belgilaydi.