So‘nggi ish joyi Londonning "Chelsi" klubi bo‘lgan britaniyalik mutaxassis Grem Potter "Lion" bilan muzokaralarni yakunladi. The Athletic nashri xabariga ko‘ra, murabbiy "Lion" klubining taklifini rad etgan.

Potter shartnoma imzolashni istamasligini murabbiylik faoliyatiga qaytishga hali tayyor emasligi bilan izohladi. Potter shu yilning aprel oyida "ko‘klar"ni tark etdi.

Ayni paytda "Lion"ni Loran Blan boshqarmoqda. Uning klub bilan shartnomasi kelasi yilning o‘rtalariga qadar mo‘ljallangan.

"Lion" Liga 1ning yangi mavsumini yomon boshladi. Jamoa to‘rtta turdan keyin oxirgi o‘rinda bormoqda.