Сўнгги иш жойи Лондоннинг "Челси" клуби бўлган британиялик мутахассис Грэм Поттер "Лион" билан музокараларни якунлади. The Athletic нашри хабарига кўра, мураббий "Лион" клубининг таклифини рад этган.
Поттер шартнома имзолашни истамаслигини мураббийлик фаолиятига қайтишга ҳали тайёр эмаслиги билан изоҳлади. Поттер шу йилнинг апрель ойида "кўклар"ни тарк этди.
Айни пайтда "Лион"ни Лоран Блан бошқармоқда. Унинг клуб билан шартномаси келаси йилнинг ўрталарига қадар мўлжалланган.
"Лион" Лига 1нинг янги мавсумини ёмон бошлади. Жамоа тўртта турдан кейин охирги ўринда бормоқда.
