"Manchester Yunayted" yarim himoyachisi Meyson Maunt tez orada jarohatidan forig‘ bo‘lishini kutmoqda.

Jarohat tufayli ingliz futbolchisi “qizil iblislar”ning xalqaro tanaffusgacha bo‘lgan so‘nggi ikki uchrashuvini o‘tkazib yubordi. Taxminlarga ko‘ra, 24 yoshli futbolchining tiklanishi uchun bir oydan ko‘proq vaqt kerak bo‘lishi mumkin edi, biroq uning qaytishi tezroq sodir bo‘lishi mumkin: jurnalist Saymon Jonsonning so‘zlariga ko‘ra, Maunt Chempionlar ligasi guruh bosiqichi birinchi turigacha o‘z formasiga qaytishga umid qilmoqda. "Qizil iblislar" 20 sentyabr kuni "Bavariya"ga qarshi maydonga chiqishadi.

Qolaversa, yarim himoyachi "Brayton" bilan o‘yinda (16 sentyabr) qaydnomaga kiritilishi ham mumkin, ammo bunday ssenariy bo‘lishi ehtimoli past.