"Манчестер Юнайтед" ярим ҳимоячиси Мэйсон Маунт тез орада жароҳатидан фориғ бўлишини кутмоқда.
Жароҳат туфайли инглиз футболчиси “қизил иблислар”нинг халқаро танаффусгача бўлган сўнгги икки учрашувини ўтказиб юборди. Тахминларга кўра, 24 ёшли футболчининг тикланиши учун бир ойдан кўпроқ вақт керак бўлиши мумкин эди, бироқ унинг қайтиши тезроқ содир бўлиши мумкин: журналист Саймон Жонсоннинг сўзларига кўра, Маунт Чемпионлар лигаси гуруҳ босиқичи биринчи туригача ўз формасига қайтишга умид қилмоқда. "Қизил иблислар" 20 сентябрь куни "Бавария"га қарши майдонга чиқишади.
Қолаверса, ярим ҳимоячи "Брайтон" билан ўйинда (16 сентябрь) қайдномага киритилиши ҳам мумкин, аммо бундай сценарий бўлиши эҳтимоли паст.
