"Liverpul" ustozi Yurgen Klopp terma jamoadagi tanaffus vaqtida uyiga uchib ketdi va sobiq jamoasi "Mayns" o‘yiniga tashrif buyurdi. Jamoa “Duysburg” bilan o‘rtoqlik uchrashuvi o‘tkazdi va 2:0 hisobida g‘alaba qozondi.
“Faoliyatim davomida erishgan barcha narsalarim uchun sizlarga rahmat. Bu haqiqat", - dedi mutaxassis klub vakillari bilan suhbat chog‘ida. Uning so‘zlarini Bundesliga matbuot xizmati xabar bermoqda.
Yurgen 2001 yildan 2008 yilgacha "Mayns"ni boshqargan. Kloppning mersisaydliklar bilan amaldagi shartnomasi 2026 yilning o‘rtalariga qadar tuzilgan.
