"Manchester Yunayted" vingeri Jeydon Sancho yaqinda janjallashib qolgan bosh murabbiy Erik ten Xag bilan munosabatlarini yaxshilash imkoniga ega bo‘ldi. Eslatib o‘tamiz, murabbiy avvalroq futbolchini mashg‘ulotlarga yomon munosabatda bo‘lganlikda ayblagan edi, inglizning o‘zi esa bunday ayblovlarni rad etadi.
Jurnalist Fabrisio Romanoning xabar berishicha, Sancho va ten Xag muzokaralar o‘tkazishni rejalashtirgan va ular mavjud vaziyatdan chiqish yo‘lini topishga harakat qilishadi. Transfer oynasining so‘nggi kunlarida Jeydon "Manchester Yunayted"ni tark etishi mumkin edi, ammo manfaatdor klublarning hech biri angliyalikning transferi bo‘yicha kelisha olmadi.
