"Inter" hujumchisi Marko Arnautovich jamoa o‘z oldiga qanday maqsadlar qo‘yganini aytib berdi.
O‘tgan mavsumda "neradzurrilar" Italiya kubogi va Superkubogini qo‘lga kiritdi, Chempionlar ligasi finaliga chiqdi va A Seriyada uchinchi o‘rinni egalladi.
"Bu mavsumda nima bo‘lishini oldindan ayta olmayman, lekin treblni yutsak ajoyib bo‘lardi. Aniq narsa shuki, “Inter”ning maqsadi har yili sovrinlar yutish. Menimcha, bizda yosh va sifatli jamoa bor, biz hamma narsaga tayyormiz", - deya 34 yoshli avstriyalik forvard so‘zlarini keltiradi jurnalist Alfredo Pedulla.
A Seriyaning 3 turidan so‘ng “Inter” “Milan” bilan birinchi o‘rinni bo‘lishib turibdi – ikkala jamoa ham barcha o‘yinlarda g‘alaba qozonishgan. 16 sentyabr kuni Milan derbisi bo‘lib o‘tadi.
