"Интер" ҳужумчиси Марко Арнаутович жамоа ўз олдига қандай мақсадлар қўйганини айтиб берди.
Ўтган мавсумда "нерадзуррилар" Италия кубоги ва Суперкубогини қўлга киритди, Чемпионлар лигаси финалига чиқди ва А Серияда учинчи ўринни эгаллади.
"Бу мавсумда нима бўлишини олдиндан айта олмайман, лекин треблни ютсак ажойиб бўларди. Аниқ нарса шуки, “Интер”нинг мақсади ҳар йили совринлар ютиш. Менимча, бизда ёш ва сифатли жамоа бор, биз ҳамма нарсага тайёрмиз", - дея 34 ёшли австриялик форвард сўзларини келтиради журналист Альфредо Педулла.
А Сериянинг 3 туридан сўнг “Интер” “Милан” билан биринчи ўринни бўлишиб турибди – иккала жамоа ҳам барча ўйинларда ғалаба қозонишган. 16 сентябрь куни Милан дербиси бўлиб ўтади.
