"Chelsi"ning chap qanot himoyachisi Mark Kukurelya bosh murabbiy Maurisio Pochettino unga ishonmasligini biladi. Insayder Pol Braunning so‘zlariga ko‘ra, ispaniyalik yozgi transfer oynasida ketishga tayyor edi, biroq yakunda faoliyatini davom ettirish uchun barcha imkoniyatlarini baholab bo‘lgach, qolishga va asosiy tarkibdan joy olish uchun kurashishga qaror qildi.
Eslatib o‘tamiz, Kukurelya transfer oynasining so‘nggi kunlarida “Manchester Yunayted”ga ijara asosida o‘tishi mumkin edi. Biroq mankunianliklar ijara shartnomasini yanvarda tugatish imkoniyatini shartnomaga kiritmoqchi bo‘lishdi, bunga "Chelsi" rozi bo‘lmadi.
2022 yilning yozida “ko‘klar” Kukurelya uchun “Brayton”ga 67 million yevro to‘lagan.