"Челси"нинг чап қанот ҳимоячиси Марк Кукурелья бош мураббий Маурисио Почеттино унга ишонмаслигини билади. Инсайдер Пол Брауннинг сўзларига кўра, испаниялик ёзги трансфер ойнасида кетишга тайёр эди, бироқ якунда фаолиятини давом эттириш учун барча имкониятларини баҳолаб бўлгач, қолишга ва асосий таркибдан жой олиш учун курашишга қарор қилди.
Эслатиб ўтамиз, Кукурелья трансфер ойнасининг сўнгги кунларида “Манчестер Юнайтед”га ижара асосида ўтиши мумкин эди. Бироқ манкунианликлар ижара шартномасини январда тугатиш имкониятини шартномага киритмоқчи бўлишди, бунга "Челси" рози бўлмади.
2022 йилнинг ёзида “кўклар” Кукурелья учун “Брайтон”га 67 миллион евро тўлаган.
