"Liverpul" e’tiborini Ispaniya chempionatida o‘ynayotgan futbolchining transferiga qaratdi. "Mersisaydliklar"ning e’tiborini Bilbaoning "Atletik" klubining 21 yoshli hujumchisi Niko Uilyams tortdi, deya xabar bermoqda Todofichajes nashri.
Manbaning xabariga ko‘ra, "qizillar" ispaniyalik futbolchini Saudiya Arabistoniga ketishi kutilayotgan misrlik hujumchi Muhammad Salohning o‘rniga olib kelmoqda. Jamoa murabbiyi Yurgen Kloppning shaxsan o‘zi Uilyams nomzodini ko‘rib chiqmoqda.
Kelishuv kelasi yozda yakunlanishi mumkin. Iqtidorli hujumchining transferi uchun tovon puli 60 million yevroni tashkil qiladi.
La Liganing joriy mavsumida Niko to‘rtta o‘yin o‘tkazdi va ikkita golga assistentlik qildi.
