"Ливерпуль" эътиборини Испания чемпионатида ўйнаётган футболчининг трансферига қаратди. "Мерсисайдликлар"нинг эътиборини Бильбаонинг "Атлетик" клубининг 21 ёшли ҳужумчиси Нико Уильямс тортди, дея хабар бермоқда Todofichajes нашри.
Манбанинг хабарига кўра, "қизиллар" испаниялик футболчини Саудия Арабистонига кетиши кутилаётган мисрлик ҳужумчи Муҳаммад Салоҳнинг ўрнига олиб келмоқда. Жамоа мураббийи Юрген Клоппнинг шахсан ўзи Уильямс номзодини кўриб чиқмоқда.
Келишув келаси ёзда якунланиши мумкин. Иқтидорли ҳужумчининг трансфери учун товон пули 60 миллион еврони ташкил қилади.
Ла Лиганинг жорий мавсумида Нико тўртта ўйин ўтказди ва иккита голга ассистентлик қилди.
