Turinning “Yuventus” klubi yaqinda doping-testdan o‘ta olmagan yarim himoyachi Pol Pogbaning maoshlarini vaqtinchalik muzlatib qo‘ydi. Jurnalist Nikolo Skira bergan ma’lumotlarga ko‘ra, fransiyalik futbolchi yaqin orada maosh olmaydi.
Manbaning qo‘shimcha qilishicha, agar futbolchi uzoq muddatga diskvalifikasiya qilinsa, "Yuventus" Pogba bilan shartnomani bekor qilishi mumkin. “Keksa sinyora” yiliga 8 million yevroga yaqin maosh oladigan futbolchini o‘zida saqlab qolish niyatida emas.
Eslatib o‘tamiz, Pogba o‘tgan mavsumning asosiy qismini turli jarohatlar tufayli o‘tkazib yuborgandi. Futbolchi 2022 yilning yozida "MYU"dan erkin agent sifatida "Yuventus"ga qaytgandi.
