"PSJ"ning hujumkor yarim himoyachisi Yulian Draksler Qatarga ko‘chib o‘tmoqchi.
OAVning so‘nggi xabarlariga ko‘ra, nemis futbolchisi oilaviy sabablarga ko‘ra Dohaning "Al-Ahli" jamoasiga o‘tishdan voz kechgan. SportsZone'ning yangilangan ma’lumotlariga ko‘ra, kelishuv amalga oshishi kerak: Draksler transfer yo‘lida uni to‘xtatib qo‘ygan muammolarni hal qildi, endi esa Qatar klubi muzokaralar muvaffaqiyatli yakunlanishiga to‘liq ishonmoqda. "PSJ" allaqachon 29 yoshli futbolchini sotishga rozilik bergan.
Yulian Draksler 2017 yilning yanvaridan beri Parij giganti sharafini himoya qilmoqda. Hujumkor yarim himoyachi Fransiya jamoasi safida barcha turnirlarda 198 ta o‘yinda maydonga tushib, 26 ta gol va 41 ta golli uzatmani amalga oshirgan.
