"Milan" yarim himoyachisi Kristian Pulishich "rossonerilar" bu mavsumda Italiya chempionatida g‘olib chiqishiga ishonishini aytdi.
A Seriyaning dastlabki 3 turidan so‘ng 9 ochko to‘plagan "Milan" qo‘shimcha ko‘rsatkichlar bo‘yicha "Inter"ni ortda qoldirib, turnir jadvalida 2-o‘rinni egallab turibdi.
"Bizning ishonchimiz komil. Bizda kuchli futbolchilar bor, sifatli futbolchilar yetib kelishdi. Klubda iqtidorlarning ajoyib kombinasiyasi mavjud. Biz g‘alaba qozona olamiz, faqat ishlashda davom etishimiz va shunday o‘yin ko‘rsatishda davom etishimiz kerak.
Biz ajoyib start oldik. Bilaman, biz qo‘limizdan kelganini qilamiz. Men g‘alaba qozonishni xohlayman, chunki bu eng muhimi", - dedi Pulishich La Gazzetta dello Sport nashriga.
