"Милан" ярим ҳимоячиси Кристиан Пулишич "россонерилар" бу мавсумда Италия чемпионатида ғолиб чиқишига ишонишини айтди.
А Сериянинг дастлабки 3 туридан сўнг 9 очко тўплаган "Милан" қўшимча кўрсаткичлар бўйича "Интер"ни ортда қолдириб, турнир жадвалида 2-ўринни эгаллаб турибди.
"Бизнинг ишончимиз комил. Бизда кучли футболчилар бор, сифатли футболчилар етиб келишди. Клубда иқтидорларнинг ажойиб комбинацияси мавжуд. Биз ғалаба қозона оламиз, фақат ишлашда давом этишимиз ва шундай ўйин кўрсатишда давом этишимиз керак.
Биз ажойиб старт олдик. Биламан, биз қўлимиздан келганини қиламиз. Мен ғалаба қозонишни хоҳлайман, чунки бу энг муҳими", - деди Пулишич La Gazzetta dello Sport нашрига.
