"Manchester Yunayted" bosh murabbiyi Erik ten Xag mavsum boshidagi holat haqida fikr bildirdi.
“Qizil iblislar” Angliya Premyer-ligasining 5 turidan so‘ng bor-yo‘g‘i 6 ochkoga ega. Shanba kuni ten Xag jamoasi o‘z maydonida "Brayton"ga mag‘lub bo‘ldi (1:3), mavsumdagi uchinchi mag‘lubiyatini qabul qilib oldi.
"Yo‘q, bu inqiroz emas, lekin endi biz o‘zimizdan xafa bo‘lishimiz va g‘azablanishimiz kerak. Biz vaziyatni o‘zgartiramiz, lekin bizga doimo jiddiy talablar qo‘yiladi. Biz bugungi omadsizlikka munosib dosh berishimiz kerak", - deya "Brayton" bilan o‘yindan so‘ng niderlandiyalik murabbiyning so‘zlarini keltiradi jurnalist Lauri Uaytvell.
