"Tottenxem" hujumchisi Son Xyon Min jamoadoshi Risharlison uchun xursand bo‘ldi.

Braziliyalik futbolchi “Tottenxem”ga “Sheffild Yunayted” ustidan g‘alabada (2:1) katta yordam berdi, u jamoasi ortda qolayotgan vaqtda zaxiradan maydonga tushib, 1 ta gol urda va golli uzatma berdi.

“O‘zim gol urganimdan ham yoqimliroq. U juda iste’dodli va muvaffaqiyatsizliklarida o‘zini ayblaganidan xafaman. Bu qandayligini bilaman, chunki men ham og‘ir kunlarni boshdan kechirganman. Umid qilamanki, bu muvaffaqiyat unga o‘ziga bo‘lgan ishonchni qozonishi va kuchayishiga yordam beradi”, - dedi Son o‘yindan so‘ng ingliz OAVlari iqtibos keltirgan holda.

Eslatib o‘tamiz, o‘yindan biroz oldin Risharlison psixologik muammolarga duch kelganini tan olgandi.