Italiya A Seriyasining 4-turida "Kalyari" o‘z maydonida "Udineze"ni qabul qildi. Bahsda nursiz durang qayd etildi – 0:0.

Ushbu bahsda hamyurtimiz Eldor Shomurodov ilk daqiqalardan maydonga tushmagan bo‘lsa-da, 60-daqiqada Leandro Pavolettini almashtirdi.

Eldorning 30 daqiqa davomida maydondagi harakatlari SofaScore'da 7 ballga loyiq ko‘rilgan. Bu natija u zaxiradan maydonga tushirilgan qolgan 4 ta sherigidan yaxshiroq harakat qilganini ko‘rsatadi. Masalan: Paulo Assi 6,2 ball, Naitan Nandes 6 ball, Adam Obert 6,7 ball va Alessandro Di Pardo 6,4 ballga baholangan.

O‘yin davomida "Kalyari"ning eng yaxshi futbolchisi deb darvozabon e’tirof etilgan - Boris Radunovich 7,5 ball.

Shomurodov maydonda o‘tkazgan daqiqalarida asosan quyidagi nuqtalarda faollik ko‘rsatgan.

Afsuski, hamyurtimiz o‘ziga berilgan daqiqalarda raqib darvozasi tomon birorta zarba yo‘llamagan. Shuningdek, u 2 bor dribling qilgan, 1 tasi muvaffaqiyatli. 21 marotaba to‘pga tegingan, 17 ta uzatmasining 13 tasi (76 foiz aniqlik) sheriklariga aniq yetib borgan. Bir bor golli vaziyat yaratgan. Yana u yelkama-elka kurashda 4 bor qatnashib, 2 bor g‘alaba qozongan, havodagi kurashda esa 1 marotaba raqibiga yengilgan. 1 marotaba fol ishlatib, o‘zi nisbatan ham 1 bor qo‘pollik ishlatishga majbur qilgan.