Италия А Сериясининг 4-турида "Кальяри" ўз майдонида "Удинезе"ни қабул қилди. Баҳсда нурсиз дуранг қайд этилди – 0:0.
Ушбу баҳсда ҳамюртимиз Элдор Шомуродов илк дақиқалардан майдонга тушмаган бўлса-да, 60-дақиқада Леандро Паволеттини алмаштирди.
Элдорнинг 30 дақиқа давомида майдондаги ҳаракатлари SofaScore'да 7 баллга лойиқ кўрилган. Бу натижа у захирадан майдонга туширилган қолган 4 та шеригидан яхшироқ ҳаракат қилганини кўрсатади. Масалан: Пауло Ацци 6,2 балл, Наитан Нандес 6 балл, Адам Оберт 6,7 балл ва Алессандро Ди Пардо 6,4 баллга баҳоланган.
Ўйин давомида "Кальяри"нинг энг яхши футболчиси деб дарвозабон эътироф этилган - Борис Радунович 7,5 балл.
Шомуродов майдонда ўтказган дақиқаларида асосан қуйидаги нуқталарда фаоллик кўрсатган.
Афсуски, ҳамюртимиз ўзига берилган дақиқаларда рақиб дарвозаси томон бирорта зарба йўлламаган. Шунингдек, у 2 бор дриблинг қилган, 1 таси муваффақиятли. 21 маротаба тўпга тегинган, 17 та узатмасининг 13 таси (76 фоиз аниқлик) шерикларига аниқ етиб борган. Бир бор голли вазият яратган. Яна у елкама-елка курашда 4 бор қатнашиб, 2 бор ғалаба қозонган, ҳаводаги курашда эса 1 маротаба рақибига енгилган. 1 маротаба фол ишлатиб, ўзи нисбатан ҳам 1 бор қўполлик ишлатишга мажбур қилган.
