Ertaga bo‘lib o‘tadigan “Al-Hilol” – “Navbahor” bahsidan oldin bugun Saudiya Arabistoni poytaxti Ar-Riyod shahrida joylashgan “Al-Hilol” klubi qarorgohi anjumanlar zalida bo‘lajak uchrashuv komissari - livanlik doktor Bashr Abdul Xoliq, o‘yin nazoratchisi - Qirg‘iz Respublikasidan Viktor Kolpakov, shuningdek, har ikki jamoa vakillari ishtirokida miting bo‘lib o‘tdi.
Mazkur o‘yinoldi tadbiri davomida ertangi o‘yinga oid tashkiliy masalalar, shuningdek, bo‘lajak bahsda har ikki jamoa futbolchilarining qanday liboslarda maydonga tushishlariga ham oydinlik kiritildi.
Unga ko‘ra, ertangi uchrashuvda “Al-Hilol” o‘yinchilari ko‘k, namanganliklar esa oq rangli futbolkalarda maydonga tushadigan bo‘lishdi.
Eslatib o‘tamiz, “Al-Hilol” – “Navbahor” o‘yini ertaga Toshkent vaqti bilan soat 23:00 da start oladi.
