"Real" hujumchisi Xoselu Ispaniya chempionatining 5-turidan o‘rin olgan "Real Sosyedad"ga (2:1) qarshi o‘yin natijalarini sarhisob qildi.
“Juda qiyin va ko‘p mehnat talab qiladigan o‘yin. "Sosyedad" ustunlik qilishga harakat qildi va ularning tarkibida juda yaxshi futbolchilar bor. Biz birga harakat qilish kerakligini bilardik. Biz ba’zi narsalarni tuzatishga majbur bo‘ldik, chunki biz juda erta gol o‘tkazib yubordik. Ammo "Bernabeu" va bizning muxlislarimiz shunday, biz hamma narsani o‘zgartira oldik. Biz barqarormiz va o‘zimizga ishonamiz. Imkoniyatlar bo‘lishini bilardik va kambek qilishga muvaffaq bo‘ldik.
Gol urganimdan juda xursandman. Mening gollarim jamoaga g‘alaba qozonishda yordam beradi va bu meni xursand qiladi. G‘alabaga hissa qo‘shganimdan xursandman. O‘zimdagi imkoniyatlardan xuddi bugungidek foydalanishga harakat qilaman. Imkoniyatlarimiz borligiga ishonch hosil qilish uchun juda yaxshi ish qildik va yetakchilikni qo‘lga kiritdik. Tarkibimizda katta zaxira bor. Barchamiz, 25 nafar futbolchi uchun daqiqalarimizdan unumli foydalanish muhim", - deya Xoselu so‘zlarini keltiradi AS.
Madridliklar safida Federiko Valverde va Xoselu gol urishdi. Mehmonlarning yagona goliga Ander Barrenechea mualliflik qildi.
"Real Madrid" besh turda beshta g‘alabaga erishdi va La Liga turnir jadvalida birinchi o‘rinni egallab turibdi. "Real Sosyedad" hisobida 6 ochko bor va 11-pog‘onada.
