17 sentyabr kuni “Real Madrid” va “Real Sosyedad” o‘rtasidagi Ispaniya La Ligasi 5-tur uchrashuvi yakuniga yetdi. Madridliklar raqiblarini 2:1 hisobida mag‘lub etishdi.
Yarim himoyachi Jud Bellingem Madrid klubidagi ilk o‘yinlarida gollar soni bo‘yicha portugaliyalik hujumchi Krishtianu Ronalduning yutug‘idan o‘ta olmadi. Avvalroq, ingliz futbolchisi "Real" safida Ispaniya chempionatining dastlabki to‘rtta o‘yinida gol urgandi.
Eslatib o‘tamiz, "Real Sosyedad" bilan o‘yinda madridliklar safida hujumchi Xoselu va yarim himoyachi Federiko Valverde gol urishgandi.
Besh turdan so‘ng “Los Blankos” 15 ochko to‘pladi va Ispaniya Primerasi turnir jadvalida birinchi o‘rinda bormoqda.
