"Real Madrid" ikki yil oldin belgiyalik hujumchi Jeremi Dokuni sotib olish imkoniyatiga ega bo‘lgandi. "Los-Blankos"ning sobiq bosh murabbiyi Zinedin Zidan o‘zining sobiq jamoasiga iqtidorli "Renn" futbolchisiga e’tibor qaratishni maslahat berdi, ammo muzokaralar muvaffaqiyatsiz yakunlandi, deb xabar beradi Defence Central.

Zidan murabbiylik lavozimini tark etgach, "Real" prezidenti Florentino Peres bilan yaxshi munosabatda bo‘lmoqda va Fransiyada o‘zini ko‘rsatgan futbolchilar klubiga muntazam ravishda maslahat berib turadi. Xususan, bir-ikki yil oldin u o‘sha paytda "Los Blankos"ga "Renn" futbolchisi Jeremi Dokuni sotib olishni qat’iy tavsiya qilgandi.

"Real Madrid" bu maslahatga quloq tutdi va belgiyalik vingerning transferini so‘radi. Biroq muzokaralar dastlabki bosqichda muvaffaqiyatsizlikka uchradi, chunki fransuz klubi so‘ragan mablag‘ "Real"ga mos kelmagan. Haddan tashqari ehtiyotkorlik sabab "qirollik klubi" o‘z tarkibini sifatli hujumchi bilan kuchaytirish imkoniyatidan mahrum bo‘ldi.

Eslatib o‘tamiz, avgust oyi oxirida Doku "Manchester Siti"ga ko‘chib o‘tgandi. OAV xabariga ko‘ra, "shaharliklar" 21 yoshli futbolchi uchun "Renn"ga 60 million yevro to‘lagan. Belgiya terma jamoasi futbolchisi Angliya chempionatida ikkita o‘yin o‘tkazishga muvaffaq bo‘lgan va bitta gol urgan.