"Реал Мадрид" икки йил олдин бельгиялик ҳужумчи Жереми Докуни сотиб олиш имкониятига эга бўлганди. "Лос-Бланкос"нинг собиқ бош мураббийи Зинедин Зидан ўзининг собиқ жамоасига иқтидорли "Ренн" футболчисига эътибор қаратишни маслаҳат берди, аммо музокаралар муваффақиятсиз якунланди, деб хабар беради Defence Central.
Зидан мураббийлик лавозимини тарк этгач, "Реал" президенти Флорентино Перес билан яхши муносабатда бўлмоқда ва Францияда ўзини кўрсатган футболчилар клубига мунтазам равишда маслаҳат бериб туради. Хусусан, бир-икки йил олдин у ўша пайтда "Лос Бланкос"га "Ренн" футболчиси Жереми Докуни сотиб олишни қатъий тавсия қилганди.
"Реал Мадрид" бу маслаҳатга қулоқ тутди ва бельгиялик вингернинг трансферини сўради. Бироқ музокаралар дастлабки босқичда муваффақиятсизликка учради, чунки француз клуби сўраган маблағ "Реал"га мос келмаган. Ҳаддан ташқари эҳтиёткорлик сабаб "қироллик клуби" ўз таркибини сифатли ҳужумчи билан кучайтириш имкониятидан маҳрум бўлди.
Эслатиб ўтамиз, август ойи охирида Доку "Манчестер Сити"га кўчиб ўтганди. ОАВ хабарига кўра, "шаҳарликлар" 21 ёшли футболчи учун "Ренн"га 60 миллион евро тўлаган. Бельгия терма жамоаси футболчиси Англия чемпионатида иккита ўйин ўтказишга муваффақ бўлган ва битта гол урган.
