Chempionlar ligasi guruh bosqichi 1-tur uchrashuvida “Portu” safarda Ukrainaning “Shaxtyor” klubi mehmoni bo‘lib, 3:1 hisobida g‘alaba qozondi. "Ajdarlar" bosh murabbiyi Serxio Konseysau uchrashuv natijasi haqida gapirdi.
“O‘yindan taassurotlar ajoyib. Hozir jamoani rivojlantirish, sifatlarimizni kuchaytirish bosqichidamiz. Biz qo‘lga kiritgan uch ochkodan xursandmiz, umid qilamanki, g‘alaba qozonishda davom etamiz. Biz keyingi bosqichga chiqishni istaymiz, bu bizning maqsadimiz. Buni ro‘yobga chiqarish uchun hali ko‘p yo‘l bosib o‘tishimiz kerak", - deya mutaxassisning so‘zlarini keltiradi UYEFA matbuot xizmati.
Keyingi turda “Portu” o‘z maydonida “Barselona”ni qabul qiladi.