Чемпионлар лигаси гуруҳ босқичи 1-тур учрашувида “Порту” сафарда Украинанинг “Шахтёр” клуби меҳмони бўлиб, 3:1 ҳисобида ғалаба қозонди. "Аждарлар" бош мураббийи Серхио Консейсау учрашув натижаси ҳақида гапирди.

“Ўйиндан таассуротлар ажойиб. Ҳозир жамоани ривожлантириш, сифатларимизни кучайтириш босқичидамиз. Биз қўлга киритган уч очкодан хурсандмиз, умид қиламанки, ғалаба қозонишда давом этамиз. Биз кейинги босқичга чиқишни истаймиз, бу бизнинг мақсадимиз. Буни рўёбга чиқариш учун ҳали кўп йўл босиб ўтишимиз керак", - дея мутахассиснинг сўзларини келтиради УЕФА матбуот хизмати.

Кейинги турда “Порту” ўз майдонида “Барселона”ни қабул қилади.