"Barselona" kiyinish xonasida "Atletiko Madrid"dan ijara asosida jamoada o‘ynayotgan hujumchi Joau Feliksning kelajagi borasida xavotir bor.
Jurnalist Xavi Migelning xabariga ko‘ra, "Barselona" futbolchilari klub kelajakda portugaliyalikni sotib ololmasligidan xavotirda. Feliksning jamoadoshlari Joau shu qadar yaxshi o‘yin ko‘rsatayotganiga ishonishadi, uning transfer narxi mavsum oxirida 100 million yevrodan oshishi mumkin. "Barselona" moliyaviy inqiroz sharoitida bunday pulga ega bo‘lishi dargumon.
Eslatib o‘tamiz, "Barselona" safida so‘nggi ikki o‘yinda Feliks uchta gol urdi va bitta golli uzatmani amalga oshirdi.