"Барселона" кийиниш хонасида "Атлетико Мадрид"дан ижара асосида жамоада ўйнаётган ҳужумчи Жоау Феликснинг келажаги борасида хавотир бор.
Журналист Хави Мигелнинг хабарига кўра, "Барселона" футболчилари клуб келажакда португалияликни сотиб ололмаслигидан хавотирда. Феликснинг жамоадошлари Жоау шу қадар яхши ўйин кўрсатаётганига ишонишади, унинг трансфер нархи мавсум охирида 100 миллион евродан ошиши мумкин. "Барселона" молиявий инқироз шароитида бундай пулга эга бўлиши даргумон.
Эслатиб ўтамиз, "Барселона" сафида сўнгги икки ўйинда Феликс учта гол урди ва битта голли узатмани амалга оширди.