Fransiya terma jamoasi yarim himoyachisi, «Real Madrid»da to‘p tepayotgan Aureliyen Tchuameni faoliyatini «PSJ»da davom ettirish imkoniyati borligini aytdi.

«Menga parijliklardan taklif bor edi, men bu variant haqida o‘ylardim. Bu Yevropaning katta klubi. Ammo «Real Madrid»dan qo‘ng‘iroq bo‘lganda, «yo‘q» deyish juda qiyin», - dedi yarim himoyachi.

Tchuameni madridliklar bilan 2028 yilning o‘rtalariga qadar shartnoma imzoladi. O‘tgan mavsumda Aureliyen «Los-Blancos» tarkibida 47 ta o‘yin o‘tkazib, 4 ta golli uzatmani amalga oshirgan. Uning transfer narxi 85 million yevroga baholanmoqda.