«Liverpul» bosh murabbiyi Yurgen Klopp «qizillar»ning yevrokuboklardagi yubiley g‘alabasi haqida fikr bildirdi.
Uning qo‘l ostida mersisaydliklar xalqaro maydonda 50 ta o‘yinda g‘alaba qozonishgan.
«Jamoa Yevropada ko‘p o‘yin o‘tkazdi. Juda ko‘p g‘alabalarni qo‘lga kiritganimiz yaxshi, shu vaqt ichida to‘rtta finalga chiqdik. Bu – katta yutuq.
O‘ylaymanki, yevrokuboklarda o‘yinlar ko‘paygani uchun bu natijaga erisha oldim. Bu asosiy sabab», - dedi nemis mutaxassisi.
Yurgen 2015 yildan beri «Liverpul» bosh murabbiyi hisoblanadi. Tomonlar o‘rtasidagi amaldagi mehnat shartnomasi muddati 2026 yilning o‘rtalarigacha hisoblanadi.
