"Barselona"ning sobiq yarim himoyachisi Andres Inyesta o‘z kolleksiyasida nufuzli individual mukofot yo‘qligi haqidagi savolga javob berdi.
Hozirda BAAning “Emireyts” jamoasida to‘p tepayotgan ispaniyalik futbolchi bir necha bor “Oltin to‘p”ga nomzod bo‘lgan, biroq biror marta ham sovrinni qo‘lga kiritmagan.
“Menda adolatsizlik hissi yo‘q. Ha, nomzod bo‘lganimda doim xursand bo‘lganman va “Oltin to‘p”ni qo‘lga kiritishni xohlaganman, lekin bu amalga oshmaganidan xafa emasman. Faoliyatimda erishgan barcha narsamdan juda mamnunman", - deya 2018 yilgacha "Barselona" va Ispaniya terma jamoasida o‘ynagan 39 yoshli Inyestaning so‘zlarini keltiradi Managing Barca.
