Madridning “Atletiko” klubi markaziy hujumchisi Alvaro Morata Ispaniya chempionatining 6-turida “Real” ustidan qozonilgan g‘alaba haqida fikr bildirdi. Derbi 3:1 hisobida “matraschilar” foydasiga hal bo‘ldi.
“Men jamoa uchun juda xursandman. Muvaffaqiyatlarimizda muxlislarning hissasi katta. Men jamoada o‘zimni muhim his qilmoqdaman va bu yil o‘zimni har qachongidan ham muhimroq his qilyapman. Men "Atletiko" bilan g‘alaba qozonishni va klub bilan sovrin yutishda davom etishni istayman", - dedi Morata Marca bilan suhbatda.
“Matraschilar” o‘n ochko jamg‘arib, La Liga turnir jadvalida oltinchi o‘rinni egallab turishibdi. Diyego Simeone shogirdlari peshqadam “Barselona”dan 6 ochko ortda qolmoqda.
