Мадриднинг “Атлетико” клуби марказий ҳужумчиси Альваро Мората Испания чемпионатининг 6-турида “Реал” устидан қозонилган ғалаба ҳақида фикр билдирди. Дерби 3:1 ҳисобида “матрасчилар” фойдасига ҳал бўлди.
“Мен жамоа учун жуда хурсандман. Муваффақиятларимизда мухлисларнинг ҳиссаси катта. Мен жамоада ўзимни муҳим ҳис қилмоқдаман ва бу йил ўзимни ҳар қачонгидан ҳам муҳимроқ ҳис қиляпман. Мен "Атлетико" билан ғалаба қозонишни ва клуб билан соврин ютишда давом этишни истайман", - деди Мората Marca билан суҳбатда.
“Матрасчилар” ўн очко жамғариб, Ла Лига турнир жадвалида олтинчи ўринни эгаллаб туришибди. Диего Симеоне шогирдлари пешқадам “Барселона”дан 6 очко ортда қолмоқда.
