Osiyo o‘yinlarining bugungi kun dasturidan o‘rin olgan boks bo‘yicha janglar bo‘lib o‘tmoqda.

Erkaklar o‘rtasidagi -67 kg vaznda yurtimiz sharafini himoya qilayotgan sportchimiz Asadxo‘ja Mo‘ydinxo‘jayev Shimoliy Koreya vakili Jang Te Ryangga qarshi ringga ko‘tarildi. Hamyurtimiz barcha raundlarda to‘la ustunlikka erishib, raqibini qiyin ahvolga solib qo‘ydi. Referi raqib nokdaun holatiga tushganini e’tirof etgan holda hisobni ochganini ta’kidlash lozim. Yakuniy baholar — 5:0 (30:24, 30:24, 30:25, 30:26, 30:26).

Asadxo‘ja nimachorak final bosqichida filippinlik Pianarga qarshi jang olib boradi. Vatandoshimiz ushbu raqib to‘sig‘idan o‘tsa, chorak finalda Shimbergenov (Qozog‘iston) / Vang (Xitoy) juftligi g‘olibigi qarshi ringga ko‘tariladi.