“Al-Hilol” hujumchisi Neymar jamoa bosh murabbiyi Jorje Jezushni iste’foga chiqarishni talab qilayotgani haqidagi mish-mishlarga javob berdi.
31 yoshli braziliyalik bu haqdagi yangilik ostida ijtimoiy tarmoqlarda izoh qoldirgan.
“Bu safsata... Bunday gaplarga ishonishni bas qilish kerak. Millionlab obunachilarga ega bo‘lgan bunday sahifalarda soxta xabarlar chiqmasligi kerak! Dunyoda bor hurmat bilan, buni to‘xtatishingizni so‘rayman. Bu juda katta hurmatsizlik belgisi”, - deb yozadi Neymar.
24 sentyabr kuni Neymar Osiyo Chempionlar Ligasi doirasida “Navbahor”ga (1:1) qarshi o‘yinda forvardning xatti-harakatlarini tanqid qilgani uchun Neymar Jezushni ishdan bo‘shatishni talab qilgani xabar qilingandi.
