«Real» yarim himoyachisi Brahim Dias yelkasidagi muammolarga qaramay «Las-Palmas»ga qarshi o‘ynadi.
Jurnalist Xose Luis Sanches ma’lumotlariga ko‘ra, yarim himoyachining yelkasi chiqib ketgan, ammo u baribir birinchi daqiqalardanoq maydonga tushgan.
Eslatib o‘tamiz, kechagi bahsda Dias hisobni ochgan va jamoasining 2:0 hisobida g‘alaba qozonishiga yordam bergandi.
Kechagi gol yarim himoyachining mavsumdagi birinchi goli bo‘ldi. Avvalroq futbolchi Italiyaning «Milan» klubida ijara asosida uchta mavsum o‘tkazgan.
