«Jirona» himoyachisi Deyli Blind «Manchester Yunayted» yarim himoyachisi Donni van de Bekning hozirgi holati haqida gapirdi, ular avval Amsterdamning «Ayaks» klubida birga o‘ynagan.

«Van de Bek sof 10-raqamli futbolchi, lekin ko‘plab top-klublarda bunday pozisiya yo‘q. Ularning o‘yin modeli «o‘nlik» ni o‘z ichiga olmaydi. Menimcha, Donni yangi pozisiyaga moslashishga qodir, ammo buning uchun unga vaqt kerak.

U «Manchester Yunayted»ning eng yaxshi o‘yinchisi bo‘lish uchun ko‘plab xususiyatlarga ega, ammo klub hech kimni uzoq kuta olmaydi», dedi Blind.