"Manchester Yunayted"ning sobiq futbolchisi Gari Nevill nima uchun Krishtianu Ronalduning klubdagi ikkinchi faoliyati muvaffaqiyatsiz yakunlangani haqida gapirdi. Xabaringiz bor, portugaliyalik futbolchi deyarli bir yil avval janjal bilan klubni tark etgandi.

"Menimcha, Ronaldu yaxshi gollar urdi. U ikkinchi eng yaxshini qabul qilmaydigan xarakterga ega.

Men uni tanqid qildim, chunki u pastroq darajadagi yosh futbolchilarga nisbatan boshqacha yo‘l tutgan bo‘lishi mumkin deb o‘yladim. Menimcha, Ronaldu o‘zgarishi va moslashishi kerak edi - yosh futbolchilarga murabbiy bo‘lishi kerak edi. Lekin buning o‘rniga, u ulardan hafsalasi pir bo‘ldi va ulardan g‘azablandi, bu o‘yinlarda yaqqol namoyon bo‘ldi. Oxir-oqibat, bu qarama-qarshilikka aylanib ketdi.

Men Krishtianu bilan o‘ynaganman - u iqtidorli va mehnatkash, u g‘alaba qozonishni, gol urishni va dunyoning eng yaxshisi bo‘lishni juda xohlaydi. O‘ylaymanki, bu unga qiyin bo‘ldi, chunki u faoliyatining so‘nggida saviyasi u ko‘rgan darajada bo‘lmagan jamoaga tushib qoldi", - dedi Nevill Marca nashriga.