O‘zbekiston Superligasining 20-turida “Bunyodkor” 29 sentyabr, juma kuni “Surxon” bilan bahs olib bordi.

Uchrashuvning birinchi bo‘limida darvozalar ishg‘ol etilmadi. Ikkinchi bo‘limda esa “Surxon” hisobni ochdi. 85-daqiqada Boburjon Asqarov raqib darvozasini ishg‘ol qildi. Ushbu gol mehmonlarga g‘alaba keltirdi.

“Surxon” ushbu g‘alabadan so‘ng ochkolari sonini 30 taga yetkazib, 6-o‘ringa ko‘tarilib oldi. “Bunyodkor” esa 26 ochko bilan 8-pog‘onadan joy oldi.

Superliga, 20-tur
28 sentyabr, juma
“Bunyodkor” – “Surxon” 0:1
Gol: 0:1 — 85 Asqarov.
“Bunyodkor”: 71. Sarvar Karimov, 2. Aleksey Nosko, 6. Avazbek O‘lmasaliyev, 8. Shohruh Abdurahmonov, 9. Farruh Ikromov (29. Muzaffar Olimjonov, 73), 10. Rasul Yo‘ldoshev (7. Akbar Ismatullayev, 80), 15. Jasurbek Hakimov (22. Usmonali Ismonaliyev, 73), 19. Bilol Tupliyev, 30. Velington Taira, 34. Suhrob Izzatov, 45. Farhod O‘tkirov (11. Igor Ivanovich, 55).
“Surxon”: 1. Artyom Potapov, 6. Artyom Sokal, 7. Dostonbek Tursunov, 8. Humoyun Sherbo‘tayev, 15. Diyor Ramazonov, 17. Jahongir Abdusalomov (2. Bobirjon Asqarov, 74), 18. Silvanus Nimeli, 27. Asilbek Jumayev (19. Nuriddin Hasanov, 74), 66. Behruz Shaydulov (5. Azizbek Pirmuhammadov, 46), 77. Asadbek Karimov (10. Tamirlan Jamalutdinov, 88), 99. Komron Saidazimov (3. Sunnatulloh Hamidjonov, 46).
Ogohlantirishlar: Rasul Yo‘ldoshev (45+1), Suhrob Izzatov (63), Dostonbek Tursunov (90+2).