Yarim himoyachi Alexandro Papu Gomes "Monsa" futbolchisiga aylandi.
Klub matbuot xizmati xabariga ko‘ra, 35 yoshli futbolchi bilan shartnoma 2024 yilning 30 iyuniga qadar mo‘ljallangan.
Gomesning so‘nggi jamoasi "Sevilya" bo‘lib, u 2023 yilning yozida jamoani tark etgan. Gomes klub safida barcha musobaqalarda 90ta o‘yin o‘tkazib, 10ta gol va 6ta golli uzatmani amalga oshirgan. Ispaniya jamoasi tarkibida futbolchi Yevropa ligasida g‘olib chiqdi.
Gomes avvalroq A Seriyada "Kataniya" (2010-2013) va "Atalanta" (2014-2021) klublarida o‘ynagan. U chempionatda 315 ta o‘yin o‘tkazib, 66 ta gol va 80 ta golli uzatmani amalga oshirgan.