Kataloniyaning "Barselona" klubi La Liga 8-turida o‘z maydonida "Sevilya"dan ustun keldi – 1:0.
O‘yinning 76-daqiqasida Serxio Ramos o‘z darvozasiga to‘p kiritib qo‘ydi, bu gol o‘yin yakuniga qadar yagonaligini saqlab qoldi.
O‘yindan avval Serxio "Sevilya" safida ilk golini "Barselona"ga qarshi o‘yinda kiritmoqchi ekanligini aytgandi.
Barselona – Sevilya 1:0
29 sentyabr, 23.59, «Olimpik Lyuis Kompanis»
Gol: 1:0 – 76, avtogol Ramos.
Barselona – ter Stegen, Joau Kanselu, Kristensen, Kunde, Balde, Gyundogan, Gavi, Rafinya (Lopes, 37), Joau Feliks (Ferran Torres, 71), Yamal (Romeu, 82), Levandovski.
Sevilya – Nyuland, Ramos, Bade, Pedrosa (Suso, 82), Rakitich, Lamela (Mariano Dias, 75), Okampos, Jordan, Sou (Fernando, 66), Xuanlu Sanches (Navas, 82), Lukebakio (Akunya, 75).
Ogohlantirishlar: Joau Kanselu (45), Xuanlu Sanches (50), Lamela (52), Bade (89), Gyundogan (90).
