"An-Nasr" Krishtianu Ronaldu boshchiligida qatorasiga 8 ta g‘alabaga erishdi.
Ar-Riyod klubi Saudiya Arabistoni chempionatining 8-turida “At-Tai”ni safarda (2:1) portugaliyalik 38 yoshli hujumchining samarali uzatmasi va penaltidan kiritgan goli evaziga mag‘lub etdi.
Portugaliyalik murabbiy Luish Kashtru boshchiligidagi “An-Nasr” ketma-ket 8 uchrashuvda g‘alaba qozongan – Saudiya ligasida 6 ta, Osiyo chempionlar ligasida esa 2 ta o‘yinda. Bu o‘yinlardagi umumiy hisob 29:8.
Chempionatda “An-Nasr” 18 ochko jamg‘arib, peshqadamdan 1 ochkoga ortda qolgan holda turnir jadvalida 3-o‘rinni egallab turibdi.
2 oktyabr kuni Ronaldu shogirdlari Chempionlar ligasi doirasida Tojikistonning “Istiqlol” jamoasini qabul qiladi.
