"Ан-Наср" Криштиану Роналду бошчилигида қаторасига 8 та ғалабага эришди.
Ар-Риёд клуби Саудия Арабистони чемпионатининг 8-турида “Ат-Таи”ни сафарда (2:1) португалиялик 38 ёшли ҳужумчининг самарали узатмаси ва пенальтидан киритган голи эвазига мағлуб этди.
Португалиялик мураббий Луиш Каштру бошчилигидаги “Ан-Наср” кетма-кет 8 учрашувда ғалаба қозонган – Саудия лигасида 6 та, Осиё чемпионлар лигасида эса 2 та ўйинда. Бу ўйинлардаги умумий ҳисоб 29:8.
Чемпионатда “Ан-Наср” 18 очко жамғариб, пешқадамдан 1 очкога ортда қолган ҳолда турнир жадвалида 3-ўринни эгаллаб турибди.
2 октябрь куни Роналду шогирдлари Чемпионлар лигаси доирасида Тожикистоннинг “Истиқлол” жамоасини қабул қилади.
